|
Juma'a 7 ga Rajab 1434, Bugu na
1080, ISSN 1595-4474 |
-
Kafa dokar ta-baci a jihohin Borno, Yobe da Adamawa:
Jama'a na ta Allah-wadai -
Ban ga wanda ya kai Shaikh Zakzaky son zaman lafiya ba
Cewar Fasto Yohanna Buru -
An sake aukawa 'yan uwa na Gumel
-
An yi taron tunawa da Shahidan Potiskum
Kafa dokar ta-baci a jihohin Borno, Yobe da Adamawa:
Jama'a na ta Allah - wadai
Tun bayan da Shugaban gwamnatin farar hular kasar nan, Mista Goodluck Jonathan, ya ba da sanarwar kafa dokar ta-baci a jihohin Borno, Yobe da Adamawa, ranar Talatar makon nan, jama'a ke ta bayyana ra'ayoyinsu kan rasin dacewar hakan...
Ban ga wanda ya kai Shaikh Zakzaky son zaman lafiya ba
Cewar Fasto Yohanna Buru
Fasto Buru ya bayyana irin yadda yake ganin girman matsayin Sayyid Zakzaky da almajiransa...Ci gaba
An sake aukawa 'Yan uwa na Gumel
A ranar Talatar nan da ta gabata ne aka sake amfani da wani gungun zauna-gari-banza don auka wa 'yan uwa Musulmi, almajiran Sayyid Ibraheem Zakzaky na garin Gumel a jihar Jigawa a yayin da suke tsakar gudanar da karatu a cikin wani masallaci da ke Unguwar Juji a garin, inda suka ji wa sama da ma 25 raunuka...Ci gaba
An yi taron tunawa da Shahidan Potiskum
Bayan mummunan harin da aka kai a kan 'yan uwa a Markaz da ke garin Potiskum, a ranar 7 ga watan Rajab, wanda ya yi sanadiyyar shahadar 'yan uwa har uku, Mu'assasatu Shuhada ta ware kowace Asabar din farkon watan Rajab ta zama ranar tunawa da Shahidan yankin (Shahid Abbas Musawi) da kuma tattara hakkin Shuhada a kowace shekara...
Daga Rahotannimu
Kwamitin Janar Magoro ya ziyarci Baga
Janar Muhammadu Magoro, Shugaban Kwamitin Harkokin tsaro a Majalisar Dattawan Najeriya, kuma wanda aka dorawa nauyin jagorantar binciken abubuwan da suka faru a Baga, ya kai ziyara jihar Borno tare da tawagarsa...
Jami'ar Azhar ta yi Allah wadai da tone Kabarin Sahabin Manzo
Malaman musulmi, na daga Shia da Sunna, da sauran musulmin duniya na ci gaba da tofin Allah tsine da danyen aikin da Wahabiyyawa-Salafiyawa masu kafirta musulmi suka yi na tone kabarin daya daga cikin manyan sahabban Manzon Allah (s.a.w.a), wato Hijr bn Adi al-Kindi da ke yankin Adra na kasar Siriya da kuma tafiya da gawarsa mai tsarki zuwa wani wajen da ba a tantance ba...
Sojoji sun kame wasu 'yan uwa 3 a Suleja
Da Subahin ranar Litinin din nan da ta gabata ne, sojoji suka mamaye wasu unguwanni a garin Sujela da ke jihar Neja da nufin bincike a gidajen da ke unguwar, inda suka kame kuma suka yi awon gaba da wasu 'yan uwa uku...
Ayatullah Khamenei ya yi Allah wadai da tone kabarin Hijr
Jagoran juyin-juya-halin Musulunci, Ayatullah Sayyid Ali Khamenei, yayin da yake magana kan lamari mai bakanta rai da ya faru a kasar Siriya na keta hurumin kabarin babban Sahabin nan Hijr bn Adi, cewa ya yi: Wajibi ne al'ummar musulmi, musamman manyan cikin su da suka hada da Malamai da sauran 'yan siyasa su sauke nauyin da ke wuyansu na fada da wannan bakar aniya ta masu kafirta musulmi, sannan kuma su yi abin da za su iya wajen hana yaduwar wutar wannan fitinar...
Albishirinku
Duk mai na'ura ko waya da ke da "Android" yanzu zai iya karanta AlMizan ta na'uran ko wayar tasa.
Mun samar da wannan ne don ku masu karatunmu ku sami saukin duba AlMizan a duk inda kuke, a ko yaushe ta hanyar "Android". Maza ka garzaya "Play Store" a wayar taka ka nemi AlMizan ka sa a wayar taka.
RA'AYIN ALMIZAN
Ci gaba da tsare su Malam Haruna Abbas zalunci ne
Tun farkon kamawar wannan shekara ta 2013, Hukumar leken asirin kasa da aka fi sani da SSS ta shiga kame 'yan uwa musulmi mabiya Sayyid Ibraheem Yaqoub Zakzaky. Da farko dai da ma'aikatan jaridar ALMIZAN SSS din suka fara. A watan jiya kuma sai suka kama Malam Ibrahim Husain da Malam Haruna Abbas, wanda yake Kwamanda ne na Harisawa. Ya zuwa lokacin fitowar wannan sharhin, shi Ibrahim Husain kwanansa kusan arba'in, yana tsare, shi kuma Malam Haruna Abbas kwanansa 21, yana tsare, ba amo ba labari. Haka kuma wani dan uwa Sharif Tukur Muhammad daga Funtuwa...
Tunatarwa:
Tare da Sayyid Zakzaky
Wannan jawabin Shaikh Ibraheem Yaqoub Zakzaky ne game da falala da ayyukan watannin Rajab, Sha'aban da Ramadan masu zuwa daga Husainiyyar Bakiyyatulah, Zaria, a ranar Laraba 8 ga Mayu, 2013, wanda muka sauko daga shafin intanet wanda Malam Ibrahim Akilu ke kula da sawa. Ibrahim Musa ne ya rubuta kamar haka:
Insha Allah yau 28 ne ga watan Jimada Assaniya, wanda yake nufin gobe Alhamis 29, jibi Juma'a 30. Kuma daga imarorin da akan samu na cikan wata, ya nuna jibi akwai husufin rana, wanda ba za a gani a nan ba, amma za a gani a Gabas. Saboda haka ya yi kama da ranar Asabar zai zama daya ga watan Rajab.
To, Rajab da Sha'aban da Ramadan watanni ne masu daraja da alfarma. Watanni ne na ibada. Kamar yadda ya zo cewa, Manzon Allah (SAWA) kafin kamawar Rajab ya yi magana (Yana da tsawo ba zan karanto ba), Rajab watan Allah ne. Sha'aban, in ji Manzon Allah shi kuma watansa ne. Ramadan kuma watan al'ummarsa.
Da dumi-duminsu
Kanun labarai da dumi-duminsu
... ba tare da jinkiri ba.
Dokar-ta-baci: An sa dokar hana fita kwata-kwata a sassan Maiduguri
A ci gaba da aiwatar da dikar ta-baci da Shugaban Kasa ya ayyana kwanaki da suka wuce a jihar Barno da Yobe da Adamawa, yanzu rundunar hadin gwiwa ta JTF ta kafa dokar hana fita kwata-kwata a wasu unguwanni da sassa da dama a cikin garin Maiduguri da kewaye.
Sassan da abin ya shafa sun hada da Gamboru, Mairi Kuwait, Bakin Kogi, Kasuwan Shanu, Ruwan Zafi, 202-kwata, Dikwa Lowcost Sinner, tsarin gidaje ta 504 da na 303, sai Chad Basin, da hanyar Baga
An toshe hanyar sadarwa ta waya a yankunan da aka sa masu dokar ta-baci
Haka ma aka toshe duk hanyoyin shiga da kayayyakin masurufi
Gwamnatin Amurka ta gargadi sojojin JTF da ke aiwatar da dokar ta-baci a jihohin Arewaci maso Gabas na Nijeriya da su kiyaye hakokin bil Adama
An fitar da jadawalin makon tunawa da marigayi Imam Khomaini (QS)
Sashen 'yan uwa dalibai na Harkar Musulunci a Nijeriya karkashin Sheikh Ibrahim Zakzaky da ake kira "Academic Forum" sun fitar da jadawalin shirye-shiryen makon tunawa da marigayi Imam Khomaini (QS)na bana da ake shiryawa duk shekara.
Daga Gidan Annabta
Tare da Abubakar Abdullahi Almizan
+234 803 701 4341
Asrar da ibadodi na watannin Rajab, Sha'aban da Ramadan
Watannin Rajab, Sha'aban da kuma Ramadan, watanni ne masu gayar falaloli da kuma Asrar. Domin a dukkan watanni 12 na Musulunci, babu watannin da suke da ayyuka na ibadodi kamar su. Shi ya sa bayin Allah (T) suke farin ciki da shaukin zuwansu. Haka nan kuma suke bakin ciki, da ma kuka idan sun zo karshe. Wato saboda yankewar da za su samu na falaloli da darajoji da zaukiyyat da halawat da kuma ma'anawiyyat na ibadodin da ake samu a cikin watannin, wanda babu irin haka a sauran watannin.
